Ստորագրվելիք փաստաթուղթը վերաբերելու է հանձնաժողովի ստեղծմանը, որը զբաղվելու է հայ-ադրբեջանական սահմանների հարցերով: Այս մասին ԱԺ-ում լրագրողների հետ ճեպազրույցում ասաց «Քաղաքացիական պայմանագիր» խմբակցության պատգամավոր Վահե Ղալումյանը՝ անդրադառնալով Փաշինյանի այն հայտարարությանը, որ պատրաստվում է Ադրբեջանի հետ փաստաթուղթ ստորագրել:
«Սահմանագծման և սահմանազատման վերաբերյալ հանձնաժողով պետք է ստեղծվի, լուծվեն սահմանում առկա խոչընդոտները, որպեսզի գնանք երկարատև խաղաղության»։
Հարցին՝ ինչպես է վերաբերվում ռուսական զորքերի տեղակայմանը հայ- ադրբեջանական սահմանի Տավուշի ուղղությամբ, Ղալումյանը նշեց, որ եթե խաղաղության պետք է հասնել այդ ճանապարհով, ուրեմն պետք գնալ այդ ճանապարհով։
