Առնվազն 280 զինծառայող Սեուլում դեկտեմբերի 3-ի լույս 4-ի գիշերը մտել է Կորեայի Հանրապետության Ազգային ժողով՝ ռազմական դրության միջոցներ կիրառելու համար, որը տևել է ոչ ավելի, քան վեց ժամ։ Այս մասին հայտնում է News1 գործակալությունը՝ խորհրդարանին հղումով։
Գործում էին 230 և 50 հոգանոց երկու առանձին խմբեր։ Առաջին խումբը փոխադրվել է ուղղաթիռով՝ օգտագործելով 24 թռիչք։ Նրանք զինված էին, նշել են խորհրդարանում։
Այն բանից հետո, երբ նախագահ Յուն Սեոկ Յոլը հայտարարեց ռազմական դրություն, հայտնի դարձավ, որ Ազգային ժողովի մուտքն արգելափակվել է։
«Տոբուրո» կուսակցության ներկայացուցիչները ավելի վաղ հայտնել էին, որ զինվորականները փորձել են ձերբակալել իրենց նախագահ Լի Ջե-Մյունին և խորհրդարանի նախագահ Վու Վոն Սիկին:
