Ռուսաստանում քննիչները ձերբակալել են Կենտրոնական ռազմական օկրուգի զրահատանկային ծառայության պետ, գեներալ-մայոր Դենիս Պուտիլովին՝ առանձնապես խոշոր չափերով կաշառքի գործով (ՌԴ Քրեական օրենսգրքի 290-րդ հոդվածի 6-րդ մաս), հայտնում է ՀՀ ՊՆ մամուլի ծառայությունը։ հայտնում է ՌԴ Քննչական կոմիտեն։
Հետաքննության տվյալներով՝ 2023 թվականին ՌԴ ՊՆ-ն, որպես պետական պաշտպանության պատվերի կատարման մաս, անհատ ձեռնարկատեր Չուդինովի (գործարարի անունը նշված չէ) հետ կնքել է ռազմական մեքենաների վերանորոգման և սպասարկման մի շարք պետական պայմանագրեր: Պայմանագրերի կատարումը, որոնց արժեքը գերազանցում էր 140 միլիոն ռուբլին, վերահսկվում էր Պուտիլովի կողմից։
«Վերահսկողությունը թուլացնելու, պաշտպանության պետական պատվերների կատարման այլ արտոնություններ և նախապատվություններ ստանալու, ինչպես նաև ապագայում նոր պայմանագրեր կնքելու համար Պուտիլովը ԻՊ Չուդինովի ներկայացուցչից 10 միլիոն ռուբլու չափով կաշառք է ստացել», նշել են Քննչական կոմիտեից:
Գերատեսչությունից հավելել են, որ գեներալ-մայորի նկատմամբ դեռ խափանման միջոց ընտրված չէ։ Գործը վարում է զինվորական քննչական գլխավոր վարչությունը։
ՌԴ նախագահ Վլադիմիր Պուտինը Պուտիլովին գեներալ-մայորի կոչում է շնորհել այս տարվա մայիսին։ ՊՆ պաշտոնական կայքերում նրա կենսագրությունից մանրամասներ չկան։
