ՆԱՏՕ-ն այժմ քննարկում է զենք մատակարարել Ուկրաինա՝ խաղաղ բանակցություններում «իր դիրքերն ամրապնդելու» համար, ասել է դաշինքի գլխավոր քարտուղար Մարկ Ռյուտեն դաշինքի արտգործնախարարների հանդիպումից առաջ կայացած մամուլի ասուլիսում։
«Մենք քննարկում ենք, թե ինչպես առավելագույն քանակությամբ զենք մղենք Ուկրաինա՝ խաղաղ բանակցություններում Կիևի ամուր դիրքերն ապահովելու համար»,- ասել է նա՝ պատասխանելով ուկրաինացի լրագրողների հարցին Ուկրաինա ՆԱՏՕ-ի զորքեր ուղարկելու հնարավորության մասին։
