Բանավեճի ընթացքում Ջո Բայդենը և Դոնալդ Թրամփը բարձրացրել են Ուկրաինայի և Ռուսաստանի միջև պատերազմի հարցը, իսկ Թրամփը հայտարարել է, որ Պուտինը կվերցնի Ուկրաինան։ Միաժամանակ, նախկին նախագահը մի քանի անգամ ընդգծել է, որ Ռուսաստանը երբեք չէր հարձակվի, եթե ինքը լիներ նախագահ․
«Ուկրաինան չի հաղթելու այս պատերազմում: Նրանք սպառվում են, կորցրել են շատ մարդկանց: Բոլորը նրա (Բայդենի) և այն հիմար որոշումների պատճառով, որոնք նա կայացրել է, Ռուսաստանը երբեք չէր հարձակվի, եթե ես լինեի նախագահ»,- ասել է Թրամփը։ Թրամփի խոսքով՝ Բայդենը «խրախուսել է Ռուսաստանին ներխուժումը»՝ 2021 թվականին Աֆղանստանից ամերիկյան զորքերի դուրսբերման պատճառով։
«Ռուսաստանը շատ հողեր է վերցրել Օբամայի, Բայդենի օրոք։ Իսկ իմ օրոք՝ ոչ։ Պուտինը գիտեր, որ ինձ հետ չի կարելի խաղալ։ Ուկրաինայում պատերազմը չպետք է սկսվեր, իսկ հիմա նա կգրավի Ուկրաինան», - հայտարարել է Թրամփը։
