Լեռնային Ղարաբաղում ռուս խաղաղապահների շրջափակման մասին տեղեկատվությունը չի համապատասխանում իրականությանը, չորեքշաբթի լրագրողներին հայտնել են ՌԴ ՊՆ-ից:
«Լեռնային Ղարաբաղում կողմերից մեկի կողմից Ռուսաստանի խաղաղապահ ուժերի ստորաբաժանումների ենթադրյալ շրջափակման մասին տեղեկությունները չեն համապատասխանում իրականությանը: Լեռնային Ղարաբաղում Ռուսաստանի խաղաղապահ ուժերի բոլոր ստորաբաժանումներն առաջադրանքներն իրականացնում են կանոնավոր ռեժիմով՝ ինչպես դիտակետերում, այնպես էլ հրադադարի ռեժիմի պահպանմանը հետևելու ընթացքում», – նշել են նախարարությունից:
Հիշեցնենք՝ վարչապետ Նիկոլ Փաշինյանն այսօր «Ազատության» հետ զրույցում հայտարարել էր, որ Հին Թաղերում և Խծաբերդում նաև ռուս խաղաղապահներ են շրջափակման մեջ։
