ՌԴ պաշտպանության նախարար Սերգեյ Շոյգուն պաշտպանության գերատեսչության ղեկավարության հետ կոնֆերանսի ժամանակ հայտարարել է ռազմածովային նավատորմի նոր հրամանատարների նշանակման մասին, հայտնում է Московский Комсомолец-ը՝ հղում անելով ՌԴ ՊՆ հայտարարությանը։
Նշվում է, որ Շոյգուին տեղեկացվել է ՌԴ նախագահ Վլադիմիր Պուտինի հրամանագրով՝ ծովակալ Ալեքսանդր Մոիսեևին նավատորմի գլխավոր հրամանատար նշանակելու մասին, փոխծովակալ Կոնստանտին Կաբանցովին՝ Հյուսիսային նավատորմի հրամանատար, իսկ փոխծովակալ Սերգեյ Պինչուկին՝ Սևծովյան նավատորմի հրամանատար։
Բացի այդ, Շոյգուն հույս է հայտնել, որ նոր սպաները կկարողանան լուծել Ռուսաստանի Դաշնության նախագահի և պաշտպանության նախարարության կողմից առաջադրված խնդիրները։
