ՀՀ վարչապետ Նիկոլ Փաշինյանը 2026 թվականի նոյեմբերի 3-ին Բրյուսելում կմասնակցի Euronews-ի՝ Եվրամիության ընդլայնման գագաթնաժողովին։ Այս մասին տեղեկանում ենք Euronews-ի ֆեյսբուքյան էջից:
Մինչ Եվրամիությունը քննարկում է ընդլայնման հաջորդ փուլի հեռանկարները, բանավեճն այլևս միայն այն մասին չէ, թե որ երկրները կարող են անդամակցել Միությանը, այլև՝ թե ինչպիսի Եվրամիություն է ցանկանում կառուցել Եվրոպան ապագայում։
Գագաթնաժողովը մեկ հարկի տակ կհամախմբի քաղաքական առաջնորդների, քաղաքականություն մշակողների, փորձագետների և գործարար համայնքի ներկայացուցիչների՝ քննարկելու հետևյալ առանցքային թեմաները.
- Եվրամիության ընդլայնման ապագան
- Եվրոպական անվտանգությունն ու ռազմավարական ինքնուրույնությունը
- Տնտեսական հնարավորություններն ու մրցունակությունը
- Ժողովրդավարությունը, բարեփոխումները և ԵՄ անդամակցության ուղին
Գագաթնաժողովը կհեռարձակվի ուղիղ եթերով՝ Euronews-ի լսարանի համար։
