Նիկոլ Փաշինյանի հրաժարականի պահանջով Ազգային ժողովի շենքի դիմացից երթով դեպի կառավարության շենք շարժվող մասնակիցների ակցիան Հանրապետության հրապարակում ավարտվեց։
Նշենք, որ ԱԺ-ի դիմաց ակցիայի մասնակիցները աթարով լցված ուսապարկեր էին բերել, որոնք նետել են ԱԺ դարպասներից ներս։
Բացի այդ, նրանք «Իմ քայլը» խմբակցության պատգամավոր Անուշ Բեղլոյանի եւ ադրբեջանական անձնագրի պատկերներով թղթեր են նետել Ազգային ժողովի շենքի մոտ։
Նշենք, որ այս ակցիայի ընթացքում կան բերման ենթարկված քաղաքացիներ, որոնց թվում է նաեւ ՀՅԴ անդամ Գեղամ Մանուկյանը։
