Բագրատ սրբազանի առաջնորդած շարժումն այս պահին ՀՀ ՄԻՊ գրասենյակի դիմաց է:
«Մենք այցելել ենք Մարդու իրավունքների պաշտպանի գրասենյակ, որպեսզի մեր հարցումներին պատասխան տան ու նաև ասեն՝ այս ողջ ընթացքում ՄԻՊ-ը ծառայել է մարդու իրավունքներին, թե՞ այլոց»,- նշեց Բագրատ սրբազանը։
ՄԻՊ-ի ներկայացուցիչը հայտնեց ցուցարաներին, որ պաշտպանը պատրաստ է ընդունել Բագրատ սրբազանին և ևս չորս հոգու, սակայն նրանք դեմ են, որպեսզի հանդիպումը լուսաբանվի լրատվամիջոցների կողմից։
Բագրատ Սրբազանը պատասխանեց, որ սա հանրային, թափանցիկ գործընթաց է և լրատվամիջոցների ներկայությունը հանդիպմանը պարտադիր է։
Մանասյանի խոսնակը գնաց քննարկման, ապա վերադարձավ և տեղեկացրեց, որ ՄԻՊ-ի դիրքորոշումը մնում է նույնը:
Նույնը մնաց նաև Բագրատ սրբազանի դիրքորոշումը:
