Միացյալ Նահանգները հանդես է գալիս Իսրայելի և Լիբանանի միջև ստեղծված իրավիճակի դիվանագիտական լուծման օգտին, չնայած հակամարտության սրման դեպքում հրեական պետությանը աջակցելու իր հանձնառությանը: Այս մասին հայտարարել է Պենտագոնի ղեկավար Լլոյդ Օսթինը Մանիլայում կայացած մամուլի ասուլիսում «2+2» ձևաչափով հանդիպման արդյունքներով, որին ամերիկյան կողմից մասնակցել է նաև ԱՄՆ պետքարտուղար Էնթոնի Բլինքենը, իսկ Ֆիլիպինների կողմից արտաքին գործերի և պաշտպանության նախարարներ Էնրիկե Մանալոն և Ժիլբերտո Թեոդորոն:
«Ես չեմ կարծում, որ զինված առճակատումն անխուսափելի է. Մենք կցանկանայինք, որ ամեն ինչ լուծվեր դիվանագիտական ջանքերով։ Անկախ նրանից՝ դա տեղի կունենա, թե ոչ, Իսրայելն ի վիճակի է ռազմական գործողություններ իրականացնել Գազայի հատվածում և միևնույն ժամանակ Լիբանանում։ Իսրայելն ամեն ինչ անում է իրեն պաշտպանելու համար:
Մենք պարտավորվում ենք օգնություն տրամադրել Իսրայելին՝ անհրաժեշտության չափով պաշտպանվելու համար: Սակայն լավագույն սցենարը, որը մենք կցանկանայինք տեսնել, կլինի բոլոր հարցերի դիվանագիտական կարգավորումը»,- ասել է նա։
