Այնպիսի պառլամենտական դիվանագիտություն, որը Հայաստանի Հանրապետությունը 2018 թվականից այս կողմ ակտիվ վարում է, դրա հետևանքով է, որ մեր անվտանգությունը մենք հիմա պահում ենք: Այս մասին, այսօր՝ դեկտեմբերի 4-ին, ԱԺ-ում լրագրողների հետ զրույցում նշեց ԱԺ նախագահ Ալեն Սիմոնյանը:
«Գիտեք, թե իրենք այդպես կնստեն YouTube-ով հայկական դուդուկը կլսեն, մի հատ էլ ուղարկած ծիրան կուտեն, մի հատ էլ Արարատի նկարը կկախեն, կասեն՝ այս հայերը այս ինչ լավ ազգ են, եկեք իրենց սատարենք: Պետք է գնալ մարդկանց հետ աշխատել»,-ասաց նա:
Ալեն Սիմոնյանը նշեց, որ իրենք գործուղումների մեկնում են հասարակ չվերթներով. «Ես կարող եմ հաճախ վարչապետին խնդրեմ, ասեմ՝ պարոն վարչապետ թույլ կտա՞ք ես էլ բորտով թռնեմ, եղել է մեկ-երկու դեպք, որովհետև արդեն երեք կամ չորս «պերեսադկա» է եղել և հնարավոր չի եղել գնալ: Դա ահռելի մեծ գումար է, դրա համար դրանից հրաժարվել ենք և թռնում ենք լոուքոստերներով, օդանավակայաններում 6-8 ժամ սպասում ենք: Եկեք մի ծայրահեղությունից մյուս ծայրահեղություն չթռնենք էլի»,-ասաց նա:
