Politik.am-ի զրուցակիցն է Վարդենիսի ՏԻՄ ընտրություններին մասնակցող «Ահարոն Խաչատրյան» դաշինքի քաղաքապետի թեկնածու Ահարոն Խաչատրյանը։
Պարոն Խաչատրյան դուք գլխավորում եք Վարդենիսի ՏԻՄ ընտրությունների «Ահարոն Խաչատրյան» դաշինքը, ինչը՞ Ձեզ ստիպեց, որպեսզի մասնակցեք ընտրություններին։
- Այո, ես գլխավորում եմ դաշինքի ցուցակը։ Դաշինքը ընտրություններին մասնակցում է, որպեսզի լուծի Վարդենիսի առաջ ծառացած բազմաթիվ խնդիրներ։
Պարոն Խաչատրյան, դուք ներկա իշխանություններին պաշտպանում եք 2018թ-ից սկսած, ինչու՞ իշխանության հետ չեք մասնակցում ընտրություններին։
- Այո ես աջակցել եմ իշխանություններին, բայց իշխող քաղաքական ուժի անդամ չեմ, իսկ քաղպայմանագիրը առաջադրել է իր կուսակցին, որը տրամաբանական եմ համարում։
Ձեզ հետ միասին ընտրապայքարի մեջ են մտել գործող իշխանությունը և ռադիկալ ընդիմությունը, դժվար չէ՞ նրանց հետ պայքարել։
- Մենք պայքարի մեջ ենք մտել մեր արհեստավարժ թիմով ու մեր հավակնորդ ծրագրով։ Քարոզարշավի մի քանի օրերին, մեր բնակիչների կողմից ջերմ ընդունելության արժենանալը, ցույց է տալիս, որ մենք ճիշտ ուղղու վրա ենք։
Իշխանության ներկայացուցիչները ժողովրդին ասում են, մենք իշխանության հետ կապեր ունենք, որի շնորհիվ կարող ենք ավել ի շատ հարցեր լուծել, իսկ ընդիմության ներկայացուցիչները ասում են, որ շուտով իրենք են լինելու իշխանություն ու դրանով պայմանավորված ավելի շատ հարցեր կարող ենք լուծել։ Դուք ի՞նչ եք առաջարկում։
- Նախ նշեմ, որ թե ընդդիմության թե իշխանության ներկայացուցիչների առաջ քաշած թեզերը սխալ եմ համարում։ Եթե ավելի մանրացնենք նրանց ասածը, կստացվի, որ քաղաքական իշխանությունը առաջնորդվում է ոչ թե համայնքային խնդիրներով այլ անձերով, ինչը իրականության հետ ոչ մի աղերս չունի։ Ով էլ լինի իշխանության, Վարդենիսի խնդիրները եթե լավ ներկայացվի, օրվա իշխանությունը միայն ուրախ կլինի այդ խնդիրների լուծմանը իր ներդրումը ունենալով։ Նորից նշեմ, մենք առաջարկում ենք ծրագիր, որը ընդունելի կլինի բոլոր իշխանությունների կողմից, որովհետև ծրագիրը Վարդենիսի խնդիրներին է վերաբերում։
Պարոն Խաչատրյան, ընտրության արդյունքերից ելնելով ո՞ր քաղաքական ուժի հետ եք հնարավոր համարում կոալիցիա կազմել։
- Մենք այդ հարցի մասին չենք ցանկանում հիմա խոսել, որովհետև մեր նպատակը 50 % + 1 ձայն հավաքելն է։ Իսկ մյուս սցենարները կքննարկենք, երբ դրա անհրաժեշտությունը լինի։
