«Մենք ևս մեկ անգամ խուսափեցինք շատ մեծ վթարից, որից չկարողացան խուսափել մեր հարևաններ Ադրբեջանը, Թուրքիան, Իրանը։ Ուստի, շնորհակալություն եմ հայտնում ոլորտի այսչափ պրոֆեսիոնալ մասնագետներին: Մյուս կարևոր հանգամանք այն է, որ մենք կարողացանք քիչ թե շատ անցնացում դուրս գալ այս իրավիճակից, քանի որ մենք ժառանգել ենք այն, ինչ կոչվում է Հայաստանի էլեկտրաէներգետիկ համակարգ, որը ունիկալ երևույթ է տարածաշրջանում»,- այս մասին այսօր տեղի ունեցած քննարկման ժամանակ ասաց Էներգետիկ հարցերով ՄԱԿ-ի ազգային փորձագետ Արա Մարջանյանը՝ անդրադառնալով անցած շաբաթ Հայաստանում էներգետիկ համակարգի ճգնաժամին:
Փորձագետի հիշեցերեց, որ բացարձակորեն համանման վթար Հայաստանում տեղի ունեցավ 2013 թվականի նոյեմբերին, որը դասական տիպի վթար էր, և ենթական էր վերլուծությունների և այն ժամանակ, և հիմա:
«Կարծում եմ այս վթարներն ահազանգ են, որպեսզի պատկան մարմինները լրջորեն զբաղվեն այս ոլորտով։ Թեև պետք է նշեմ նաև, որ նման վթարները ոչ մի դեպքում չի կարելի քաղաքականացնել»,- ասաց Մարջանյանը:
Նրա կարծքով՝ երկրորդ խնդիրը ոչ ճիշտ իրազեկումն է. առաջին իսկ ժամերից սկսած տագնապային իրավիճակ էր, և բնավ տեղին չէր այն, որ սկսեցին օգտագործել «բլեքաութ» անվանումը: Հայաստանում ցանցն այնպիսին է, որ մեր երկրում «բլեքաութ» հնարավոր չէ:
