ԱՄՆ պետքարտուղար Մարկո Ռուբիոն այսօր հանդիպել է Հռոմի Պապ Լևոն XIV-ի հետ՝ քննարկելու Մերձավոր Արևելքի իրավիճակը և Արևմտյան կիսագնդում փոխադարձ հետաքրքրություն ներկայացնող թեմաները, ասվում է ԱՄՆ Պետքարտուղարության խոսնակ Թոմի Պիգգոյի հայտարարության մեջ։
«Հանդիպումը ընդգծեց Միացյալ Նահանգների և Սուրբ Աթոռի միջև ամուր հարաբերությունները և խաղաղության ու մարդկային արժանապատվության ամրապնդման հանդեպ նրանց համատեղ հանձնառությունը», - նշվում է հաղորդագրության մեջ։
Ռուբիոն նաև Վատիկանում հանդիպել է Սուրբ Աթոռի պետքարտուղար կարդինալ Պիետրո Պարոլինի հետ՝ քննարկելու փոխադարձ համագործակցության հարցերը և արդի միջազգային խնդիրները։
«Պետքարտուղար Ռուբիոն ողջունեց արքեպիսկոպոս Կաչչիայի վերջերս ժամանումը որպես նոր առաքելական նվիրակ Միացյալ Նահանգներ։ Նրանք քննարկեցին Արևմտյան կիսագնդում ընթացող մարդասիրական ջանքերը և Մերձավոր Արևելքում կայուն խաղաղության հասնելու ջանքերը։ Քննարկումը արտացոլեց Միացյալ Նահանգների և Սուրբ Աթոռի ամուր գործընկերությունը՝ դավանանքի ազատության առաջմղման գործում», - նշվում է ԱՄՆ Պետքարտուղարության հաղորդագրության մեջ։
