«Ամսի 25-ին բժիշկների փորձագիտական խումբը այցելել է Մանվել Գրիգորյանին՝ սահմանված ժամկետում տեղեակցնելով պաշտպանական կողմին այցի մասին: Ինքս անձամբ ներկա եմ գտնվել: Սակայն դեռ եզրակացություն չի տրվել»,- այս մասին այսօր լրագրողնրի հայտնեց ասաց Մանվել Գրիգորյանի շահերի պաշտպան, փաստաբան Արսեն Մկրտչյանը:
Հարցին, թե ինչու դեռ եզրկացություն չի տրվել փաստաբանը պատասխանեց. «Ցանկալի կլիներ որ եզրակացությունը չձգձգվեր, սակայն մյուս կողմից՝ մենք ինքներս էլ ներկայացրել ենք լրացուցիչ հետազոտությունների համար փաստաթղթեր, և որոշակի առումով հանձաժողովի աշխատանքների ծավալը մեծացել է, հետևաբար արագ աշխատելու պահանջներ ներկայացնելու համար դեռ վաղ է:
Նշենք, որ փորձագիտական խմբի անդամներից ոք ոչ ներկա չէր այսօր կայացած դատական նիստին, ինչը ըստ փաստաբանի՝ եղել է տեխնիկակակն խնդիրների պատճառով:
Փորձագիտական խմբի աշխատանքների ծավալը իրոք մեծ է, քանի որ Գրիգորյանը 30-ից ավելի հիվանդություններ ունի, որոնց պատմությունները գնալով բարդանում են՝ նկատեց Արսեն Մկրտչյանը:
Անդրադառնալով գործով մեղադրող դատախազ Վահե Դոլմազյանի մտավախությանն այն մասին, որ Գրիգորյանը, բուժվելու նպատակով արտասահման մեկնելու հնարավորություն ստանալով, կարող է խուսափել դատաքննությունից Մկրտչյանը վստահեցրեց, որ Մանվել Գրիգորյանը փախնող չի, և այդ կասկածներն այս ընթացքում փարատել է.
«Դա աբսուրդի ժանրից է: Ինչպե՞ս եք պատկերացնում, որ հերոս անձնավորությանը, որն ունի բազմանդամ ընտանիք, թոռներ, որն ազատագրման գործում բացառիկ դեր ունի, թողնի այդ ազատագրված հողն ու գնա Ֆրանսիա… որքանո՞վ է հարիր»,- ասաց նա:
