«Բազմաթիվ են հարցադրումները, թե արդյոք Մանվել Գրիգրյանը «Մարտի 1»-ի գործի հետ կապված ցուցմունք տվել է, թե ոչ: Փաստաբանը նշեց, որ Ռոբերտ Քոչարյանի պաշտպանական կողմը ամիսներ առաջ` ներկայացրել էր «Մարտի 1»-ի քրեական գործի հետ կապված ինչ-որ դրվագներ` հաշվի առնելով, որ Մ. Գրիգորյանը այդ ժամանակ Պաշտպանության նախարարության փոխնախարարն էր և այն հիմքով, որ վերջինս կանգնել էր ժողովրդի կողոքին: Դրանից հետո որոշակի գործընթացներ են իրականացվել: Սակայն միանգամից ասեմ, որ նա այդ գործով ցուցմունք չի տվել»,- այս մասին այսօր տեղի ունեցած մամուլի ասուլիսի ժամանակ հայտնեց Մանվել Գրիգորյանի փաստաբան Լևոն Բաղդասարյանը:
Փաստաբանը անդրադարձավ նաև իր խոսքերով նորանկախ Հայաստանում Գրիգորյանին խոշտանգելու և հաշվեհարդար տեսնելու փաստերին` նշելով, որ իր պրակտիկայում սա առաջին դեպքն է, որ մի անձի քրեկան գործի շրջանակներում Մարդու իրավունքների եվրոպական դատարանը երկու անգամ իր որոշման տեսքով անհապաղ միջոցներ է կիրառում:
