ՄԱԿ-ի Անվտանգության խորհրդում մեկ ամսով նախագահությունն անցել է ԱՄՆ-ին, որը Անվտանգության խորհրդի մշտական անդամ է։ Նոյեմբերին նախագահում էր Միացյալ Թագավորությունը:
Երկուշաբթի օրը Նյու Յորքի ժամանակով 14:00-ին ՄԱԿ-ի կենտրոնակայանում տեղի կունենա ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդի մամուլի ասուլիսը, որի ընթացքում կներկայացվի առանցքային կառույցի հանդիպումների ծրագիրը:
Ավելի վաղ ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին ՏԱՍՍ-ի թղթակցին ասել էր, որ Ռուսաստանը կարող է արգելափակել ՄԱԿ-ի Անվտանգության խորհրդի աշխատանքային ծրագիրը։
