Նոյեմբերի 21-ին Ռուսաստանը հայտարարեց, որ Լեհաստանի հյուսիսում տեղակայված ԱՄՆ հակահրթիռային պաշտպանության նոր բազան բարձրացրել է մարտական պատրաստության մակարդակը, ինչը կհանգեցնի միջուկային վտանգի ընդհանուր մակարդակի բարձրացմանը։ Վարշավան պատասխանել է, որ Մոսկվայի մշտական «սպառնալիքները» միայն ուժեղացնում են ՆԱՏՕ-ի պաշտպանունակության բարձրացման գործը։
«Սա ևս մեկ անկեղծ սադրիչ քայլ է ռազմավարական ոլորտում ամերիկացիների և Հյուսիսատլանտյան դաշինքի նրանց դաշնակիցների խորն ապակայունացնող գործողությունների շարքում», - ասել է ՌԴ ԱԳՆ պաշտոնական ներկայացուցիչ Մարիա Զախարովան։
Հրթիռային պաշտպանության բազան, որը գտնվում է Բալթիկ ծովի ափին մոտ գտնվող Ռեջիկովո քաղաքում, բացվել է նոյեմբերի 13-ին։
Լեհաստանի արտգործնախարարության խոսնակ Պավել Վրոնսկին ընդգծել է, որ բազայում միջուկային հրթիռներ չկան, այն նախատեսված է բացառապես պաշտպանության համար, հաղորդում է Ամերիկայի ձայնը։
