Երեւան քաղաքի ընդհանուր իրավասության դատարանում՝ դատավոր Ալեքսեյ Սուքոյանի նախագահությամբ, ՀՀ երկրորդ նախագահ Ռոբերտ Քոչարյանն ընդդեմ Նիկոլ Փաշինյանի գործով դատական նիստին Փաշինյանի ներկայացուցիչ Գեւորգ Գյոզալյանը հարց տվեց հայցվորի ներկայացուցիչ Հայկ Ալումյանին՝ արդյոք ընդունո՞ւմ է, որ թե հայցվոր, թե պատասխանող կողմը քաղաքական գործիչներ են։
Ալումյանը պատասխանեց՝ ասելով, թե իր վստահորդը քաղաքական գործիչ է, իսկ Փաշինյանի մասով նշեց՝ հավանաբար, ապա ավելացրեց, որ Քոչարյանի մասով Փաշինյանն արտահայտություններն արել է արձակուրդի ընթացքում՝ որպես մասնավոր անձ։
Փաշինյանի ներկայացուցչի հարցին՝ արդյոք իր վստահորդն այդ շեշտադրումն արել է ժողովրդից թալանված գումարները հետ վերադարձնելուն, թե՞ Քոչարյանին է դա վերաբերում, Ալումյանը պատասխանեց. «Լավ չի, որ մարդն արտահայտվում է այնպես, որ հետո սկսենք մտածել՝ ինչ է նկատի ունեցել»։
