Մահացել է Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան Արման Կիրակոսյանը։ Այս մասին իր ֆեյսբուքյան էջում հայտնել է Ուկրաինայում Հայաստանի Հանրապետության արտակարգ և լիազոր դեսպան Տիգրան Սեյրանյանը։
«Այսօր իր մահկանացուն կնքեց իմ ուսուցիչ, ընկեր, գործընկեր, բարեկամ Արման Ջոնի Կիրակոսյանը: Հիվանդ էր, ակնկալվում էր, բայց ոչ այսչափ շուտ:
Աստված Հոգիտ լուսավորի, Ջոնիչ ջան:
Ցավակցություններս, Սուսաննա ջան, Արամ ջան, Նոնա ջան»,-գրել է Տիգրան Սեյրանյանը։
Հիշեցնենք, որ Արման Կիրակոսյանը Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան էր նշանակվել 2018 թ. նոյեմբերի 28-ին։
