Իսրայելի արտգործնախարար Գեդեոն Սաարը հինգշաբթի ասել է, որ կարծում է, որ Միացյալ Նահանգները «կպատժի» Միջազգային քրեական դատարանին (ՄՔԴ)՝ վարչապետ Բենիամին Նեթանյահուի և նրա պաշտպանության նախկին նախարարի ձերբակալության հրաման տալու համար, հայտնում է Reuters-ը։
Իսրայելն ավելի վաղ հայտարարել էր, որ կբողոքարկի Նեթանյահուին և Յոավ Գալանտին մեղադրելու ՄՔԴ որոշումը Գազայի հակամարտությունում ենթադրյալ ռազմական հանցագործությունների և մարդկության դեմ հանցագործությունների համար: Սակայն Չեխիա կատարած այցի ժամանակ Սաարն ասաց, որ այլ երկրներ նույնպես անհանգստացած են այդ որոշմամբ, այդ թվում՝ Միացյալ Նահանգները:
«Ես հակված եմ հավատալու, որ Վաշինգտոնը շատ շուտով օրենք կընդունի ՄՔԴ-ի և նրա հետ համագործակցողների դեմ»,- ասել է Սաարը Չեխիայի արտգործնախարար Յան Լիպավսկու հետ համատեղ մամուլի ասուլիսում։ Նա հավելել է, որ Իսրայելը կավարտի Գազայում 14-ամսյա պատերազմը, երբ «հասնի իր նպատակներին»՝ վերադարձնել Համասի պատանդներին և ապահովել, որ պաղեստինյան խմբավորումն այլևս չի վերահսկի պաղեստինյան անկլավը:
Սաարն ասել է, որ Իսրայելը մտադիր չէ վերահսկել քաղաքացիական կյանքը Գազայում՝ հավելելով, որ «խաղաղությունն անխուսափելի է, բայց չի կարող հիմնված լինել պատրանքների վրա»:
