Իսպանիայի նախկին դատավորներն ու դատախազները համատեղ հայց են ներկայացրել ընդդեմ պատվավոր թագավոր Խուան Կառլոս Առաջինի՝ հինգ հարկային հանցագործությունների մեղադրանքով: Այս մասին, ՏԱՍՍ-ի փոխանցմամբ, հաղորդում է RTVE հեռուստառադիոընկերությունը։ Բողոքը ներկայացվել է երկրի Գերագույն դատարան։
Հայցում նշվում են խախտումներ, որոնք տեղի են ունեցել 2014-2018թթ. Դիմումատուները պնդում են, որ նախկին միապետի՝ վճարումների միջոցով հարկերի հետ կապված խնդիրները կարգավորելու փորձերը չեն համապատասխանում օրենքի պահանջներին, քանի որ դա արվել է այն բանից հետո, երբ Խուան Կառլոս Առաջինին ծանուցվել է ընթացող հետաքննության մասին: Պատվավոր արքան հետաքննության մասին իմանալուց հետո վճարել է ավելի քան 600,000 եվրոյի և ևս մոտ 4,4 միլիոն եվրոյի չափով հարկեր։
2020 թվականի օգոստոսի 3-ին պաշտոնապես հայտնի է դարձել, որ Խուան Կառլոս I-ը որդուն՝ ներկայիս թագավոր Ֆիլիպ VI-ին, տեղեկացրել է ֆինանսական սկանդալի ֆոնին երկիրը լքելու որոշման մասին։ Այդ ժամանակվանից նա ապրում է ԱՄԷ-ում։ 2022 թվականի մարտին Իսպանիայի դատախազությունը հայտարարել էր հետաքննությունը փակելու մասին։
