Ադրբեջանական լրատվամիջոցները հայտարարություն են տարածել, ըստ որի՝ Իրանը, Ռուսաստանը և Ադրբեջանը հռչակագիր են ստորագրել Հյուսիս-Հարավ տրանսպորտային միջանցքի մասին։
Հռչակագրի համաձայն՝ կողմերը պատրաստակամություն են հայտնել համագործակցել ենթակառուցվածքների և տրանսպորտային հնարավորությունների գնահատման և վերլուծության ոլորտում՝ միջանցքի լիարժեք օգտագործման համար։
Կողմերը նաև ընդգծել են՝ մեկ ամսվա ընթացքում Ռեշտ-Աստարա երկաթուղու նախագծի վերաբերյալ համաձայնագրի նախագիծ պատրաստելու և մինչև 2022 թվականի վերջ բանակցությունները սկսելու մտադրության մասին։
