Իրանի նախագահ Մասուդ Փեզեշքիանը Պակիստանի ցամաքային զորքերի շտաբի պետ Ասիմ Մունիրի հետ հանդիպման ժամանակ հայտարարել է, որ Միացյալ Նահանգները պետք է փոխի Իրանի հետ հարաբերություններում իր տոնն ու մոտեցումը, և որ իսլամի միասնությունը առանցքային նշանակություն ունի «իսրայելական դավադրություններին» հակազդելու համար, հաղորդում է Mehr-ը։
Փեզեշքիանը հույս է հայտնել, որ Իսլամաբադի փոխըմբռնման հուշագրի նպատակները կհասնեն իրենց իրականացմանը։
«Ամերիկան պետք է վերանայի Իրանի հետ փոխգործակցության մեջ իր տոնն ու մոտեցումը, քանի որ վախեցման և հարկադրանքի մարտավարությունը միայն կբարդացնի գործընթացները», — նշել է նա՝ ընդգծելով, որ Վաշինգտոնը պետք է կատարի իր պարտավորությունները։
