Իրանը Պարսից ծոցի ջրերի վրա խոցել է «թշնամական անօդաչու թռչող սարք»՝ օգտագործելով իր «Արաշ-ե Քամանգիր» (Arash-e Kamangir) որսացող ԱԹՍ-ները։ Դրա մասին հայտնում է Fars լրատվական գործակալությունը։
«Այս գործողությունը, որն իրականացվել է թաքնված հնարավորություններ ունեցող համալիրի կիրառմամբ, հստակ և վճռական ազդակ է Իրանի կողմից»,- ասվում է հաղորդագրության մեջ՝ հղում անելով անանուն պաշտոնյաների։
