Իրանը դիտարկում էր Ուկրաինային հրթիռային հարված հասցնելու հնարավորությունը Կասպից ծովում իրանական նավի վրա հարձակմանը ի պատասխան, սակայն փոխեց իր ծրագրերը, երբ Կիևը փորձեց դիվանագիտորեն լուծել հակամարտությունը: Այս մասին հաղորդել է «New York Times»-ը՝ հղում անելով անանուն արևմտյան և իրանական աղբյուրներին:
Ըստ թերթի՝ արևմտյան հետախուզական գործակալությունները ենթադրել են, որ Իրանը կամ խորհրդանշական հարված կհասցնի Ուկրաինային՝ ցածր հզորությամբ մարտագլխիկ կրող հրթիռով, կամ կհարձակվի Ուկրաինայի նավահանգիստներից մեկի վրա:
Թեհրանը կարծում էր, որ մեկ հրթիռային հարվածը կավարտի իրանական նավի վրա հարձակումից առաջացած հակամարտությունը: Սակայն Արևմուտքը կարծում էր, որ իրանական պատասխան հարվածը կարող է կտրուկ սրացում առաջացնել և հանգեցնել երկու երկրների միջև լայնածավալ ռազմական գործողությունների: «Իրանական և արևմտյան պաշտոնյաների կարծիքով՝ դիվանագիտական ջանքերի աճը առայժմ հանդարտեցրել է իրավիճակը», - գրել է NYT-ն՝ հղում անելով երեքշաբթի օրը Իրանի արտգործնախարար Աբբաս Արաղչիի և Ուկրաինայի արտգործնախարար Անդրեյ Սիբիհայի միջև տեղի ունեցած հեռախոսազրույցին:
Զրույցի ընթացքում ուկրաինացի նախարարը իրանական նավի վրա հարվածը անվանել է ոչ միտումնավոր: Արաղչին, իր հերթին, հայտարարել է, որ Ուկրաինան պետք է փոխհատուցի վնասները։
