Իրանի նախագահ Մասուդ Փեզեշքիանը տեղեկացրել է, որ առաջիկայում կհանդիպի ՌԴ նախագահ Վլադիմիր Պուտինի հետ, կողմերը կքննարկեն սիրիական ճգնաժամի կարգավորումը։
«Առաջիկայում կհանդիպեմ Ռուսաստանի նախագահի հետ Սիրիայի իրավիճակի հետ կապված»,- նրա խոսքերը մեջբերել է Իրանի կառավարության մամուլի ծառայությունը։ Իրանի նախագահը ավելացրել է, որ Մոսկվան եւ Թեհրանը բոլոր ուժերով կնպաստեն Սիրիայում իրավիճակի կայունացմանը։
Դկետեմբերի 2-ին Պուտինի հետ հեռախոսազրույցում նա հայտնել է, որ ահաբեկիչների ակտիվացումը արաբական հանրապետությունում Մերձավոր Արեւելքի ապակայունացման Իսրայելի եւ ԱՄՆ վտանգավոր պլանի մի մասն է։ Իրանի գործադիր իշխանության ղեկավարը բարձր է գնահատել Ռուսաստանի դերը տարածաշրջանում խաղաղության եւ Սիրիայի տարածքային ամբողջականության աջակցման հարցում։
