Ինդոնեզիայի Հալմահերա կղզում գտնվող Դուկոնո հրաբուխը սկսել է ժայթքել և 3 հազար մետր բարձրությամբ մոխրի սյուն է նետել, հաղորդում է Antara գործակալությունը։
Ինդոնեզիայի արտակարգ իրավիճակների ծառայությունները հրաբխում մի շարք ցնցումներ են գրանցել, որի գագաթը ծովի մակարդակից 1 335 մետր է։ Իշխանությունները կոչ են արել տեղի բնակիչներին հեռու մնալ Դուկոնոյի գագաթից 3 կմ շառավղով և դիմակներ կրել դրսում: Սա անհրաժեշտ է շնչառական ուղիները հրաբխային մոխիրից պաշտպանելու համար:
Ինդոնեզիայում գրեթե 130 ակտիվ հրաբուխ կա։ Նոյեմբերի սկզբին Ֆլորես կղզում ժայթքեց Լևոտոբի հրաբուխը՝ ավելի քան 10 հազար տեղացի բնակիչներ տարհանվեցին, 9 մարդ զոհվեց։ Ավելի վաղ կիրակի օրը երկրի իշխանությունները նախազգուշացրել էին Սիվու կղզում Կարանգեթանգ հրաբխի ակտիվության աճի մասին, ինչի հետևանքով դրա գագաթից կարող են իջնել հզոր պիրոկլաստիկ հոսքեր՝ բարձր ջերմաստիճան հրաբխային գազերի, մոխրի և ժայթքման ժամանակ ձևավորված ժայռերի բեկորներ։
