Հայաստանի ԱԳՆ մամուլի խոսնակը պարզաբանումներ է ներկայացրել Ռուսաստանի Դաշնությանը դիմելու եւ ՄԱԿ-ի Անվտանգության խորհրդին դիմելու վերաբերյալ:
Ստորեւ ներկայացնում են պարզաբանումը.
«Ռուսաստանի Դաշնությանը դիմելու վերաբերյալ.
Հայաստանի Հանրապետությունն անմիջական ու բազմամակարդակ կապի մեջ է դաշնակից Ռուսաստանի հետ: Ինչպես գիտեք, տեղի է ունեցել ՀՀ վարչապետի ու ՌԴ նախագահի հեռախոսազրույցը, որի ընթացքում Նիկոլ Փաշինյանը Վլադիմիր Պուտինին է ներկայացրել իրավիճակը:
Այս համատեքստում, երկու երկրների ղեկավարները քննարկել են հնարավոր համատեղ քայլերը, որոնց իրականացումն ամրագրված է երկկողմ իրավապայմանագրային հենքով և համահունչ է դաշնակցային հարաբերություններին:
ՄԱԿ-ի Անվտանգության խորհրդին դիմելու վերաբերյալ.
ՀՀ ԱԳՆ-ն արդեն իսկ տեղեկացրել է ՄԱԿ-ի Անվտանգության խորհրդի նախագահին ստեղծված իրավիճակի մասին:
Ցանկանում ենք նշել, որ Հայաստանի Հանրապետության տարածքային ամբողջականությունը և ինքնիշխանությունը պաշտպանելու համար դիտարկվում է միջազգային իրավունքի և դիվանագիտական պրակտիկայի բոլոր գործիքների կիրառումը:
