Գազայի հատվածին իսրայելական հարվածների հետևանքով զոհերի թիվը հասել է 436-ի, այդ թվում՝ 91 երեխա և 61 կին: Այս մասին հայտնել է անկլավի առողջապահության նախարարությունը։
Նախկինում գրանցվել էր մահվան 413 դեպք։
Առողջապահության նախարարության տվյալներով՝ տուժել է ևս 2271 մարդ, այդ թվում՝ 244 երեխա և 151 կին։
Իր հերթին, իսրայելցի զինվորականները հայտնել են, որ Իսրայելում զոհերի թիվը հասել է ավելի քան 700-ի, հազարավոր վիրավորներ կան:
Հոկտեմբերի 7-ին ՀԱՄԱՍ-ը մի քանի հազար հրթիռ է արձակել Իսրայելի ուղղությամբ և հայտարարել «Ալ-Աքսա ջրհեղեղ» օպերացիայի մեկնարկի մասին։ Այս ֆոնին Իսրայելի ազգային անվտանգության նախարար Իտամար Բեն Գվիրը հոկտեմբերի 7-ին երկրում արտակարգ դրություն է հայտարարել։
Իսրայելի վարչապետ Նեթանյահուն հայտարարել է, որ երկիրը գտնվում է պատերազմական վիճակում։ Իսրայելի պաշտպանության բանակի գործողությունը ՀԱՄԱՍ-ի դեմ կոչվում էր «Երկաթե սրեր»:
