Հայաստանի տնտեսական աճն այս տարվա հունվար-սեպտեմբերի տվյալներով կազմել է 6 տոկոս՝ պայմանավորված հիմնականում ծառայությունների աճով (նպաստումը՝ 3.4 տոկոսային կետ):
Այս մասին տեղեկացավ ՀՀ ֆինանսների նախարարության հրապարակած՝ Մակրոտնտեսական զարգացումների ամփոփագրից:
«Տնտեսության մյուս ճյուղերը նույնպես նպաստել են տնտեսական աճին՝ բացառությամբ արդյունաբերության (բացասական նպաստումը՝ 0.2 տոկոսային կետ):
Պահանաջարկի տեսանկյունից տնտեսական աճը պայմանավորված է եղել հիմնականում մասնավոր սպառման և հիմնական միջոցներում ներդրումների աճով (նպաստումները՝ համապատասխանաբար 7.2 և 3.5 տոկոսային կետեր»,-ասված է ամփոփագրում:
