«Հայաստան-Արցախ» երիտասարդական միությունը շարունակում է իր ակտիվ գործունեությունը՝ նոր ծրագրերով և նախաձեռնություններով։ Միությունը հայտարարում է «Խաղային լիգա» ֆուտզալի առաջնության գրանցումների մեկնարկի մասին։
Առաջնությանը կարող են մասնակցել բոլոր երիտասարդները՝ սկսած 18 տարեկանից։ Թիմերը պետք է կազմված լինեն 8 հոգուց, իսկ նրանք, ովքեր կգրանցվեն որպես անհատներ, կներգրավվեն վիճակահանությամբ ձևավորված թիմերում։ Յուրաքանչյուր թիմ կունենա ավագ։
Ֆուտզալի առաջնությանը կարող են մասնակցել նաև աղջիկները․ նրանց համար նախատեսված է առանձին մրցաշար։
Խաղերը կանցկացվեն բացառապես շաբաթ և կիրակի օրերին։
Մրցաշարը հնարավորություն կտա երիտասարդներին ոչ միայն օգտակար և հետաքրքիր ժամանց անցկացնել, այլև բարելավել ֆիզիկական մարզավիճակը, ձեռք բերել նոր ընկերներ և թիմային փորձ։
Հաղթող թիմին սպասվում է հատուկ մրցանակ։
Գրանցումները բաց են մինչև սեպտեմբերի 5-ը։
Ծրագիրն իրականացվում է «Գագիկ Ծառուկյան» բարեգործական հիմնադրամի աջակցությամբ։
Հավելյալ տեղեկությունների և գրանցման համար անհրաժեշտ է զանգահարել 098-917-008 հեռախոսահամարով կամ գրել անձնական նամակ։
