Դեկտեմբերի 14-ին` ժամը 18։42-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գավառ քաղաքի սկզբնամասում ավտոմեքենան դուրս է եկել երթևեկելի հատվածից և կողաշրջվել:
ՀՀ ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Գավառ-Սևան ավտոճանապարհի մոտ 4-րդ կմ-ին Chrysler մակնիշի ավտոմեքենան (վարորդ՝ Հ․Գ․) դուրս է եկել երթևեկելի հատվածից, հայտնվել դաշտամիջյան հատվածում և կողաշրջվել։
Փրկարարները հոսանքազրկել են ավտոմեքենան և փակել գազի բալոնի փականը։
