Ֆրանսիայում կենսաթոշակային բարեփոխումների համար պատասխանատու պաշտոնյան հրաժարական է ներկայացրել:
Կենսաթոշակների հարցերով գերագույն հանձնակատար Ժան-Պոլ Դելևուան ստիպված է եղել այդ քայլին գնալ, երբ հայտնի է դարձել, որ նա իր «շահերի հայտարարագրում» չի նշել միանգամից մի քանի պաշտոններ, որոնք միաժամանակ զբաղեցրել է կառավարությունում աշխատելով:
Դելևուան Կենսաթոշակների հարցերով գերագույն հանձնակատար էր նշանակվել 2017 թվականի սեպտեմբերին՝ կենսաթոշակային բարեփոխումները նախապատրաստելու համար:
Նրա հրաժարականը պահանջում էին ընդդիմությունն ու արհմիությունները:
