Եվրահանձնաժողովի (ԵՀ) ղեկավար Ուրսուլա ֆոն դեր Լայենը մայիսի 9-ին կուղևորվի Կիև՝ աջակցություն հայտնելու Ուկրաինային: Այս մասին հաղորդում է Le Monde պարբերականը՝ վկայակոչելով ԵՀ մամուլի ծառայության ղեկավար Էրիկ Մամերին։
«Այցը կկենտրոնանա Ուկրաինայի հետ մեր հարաբերությունների բոլոր կողմերի վրա: Անշուշտ, նկատել եք, որ այս այցը տեղի կունենա Եվրոպայի օրը», - ասել է Մամերը՝ նկատի ունենալով համաեվրոպական ամենամյա տոնը:
Սա Ուրսուլա ֆոն դեր Լայենի հինգերորդ այցն է Կիև անցյալ տարվա փետրվարի 24-ին ռազմական գործողությունների մեկնարկից ի վեր:
