Երբ որ Անդրանիկ Քոչարյանին կբռնենք, կնստացնենք, խելքը գլուխը կգա։ Այս մասին այսօր՝ փետրվարի 12-ին, Ազատության հրապարակում լրագրողների հետ զրույցում ասաց ՀՀ նախկին վարչապետ Հրանտ Բագրատյանն՝ անդրադառնալով դիտարկմանը, թե իշխող ուժի պատգմավորն ասում է, որ Բագրատյանը վտանգավոր հայտարարություններ է անում։
«Քոչարյան Անդոն մուտիլովկա է անում։ Վտանգավորը իրենք են»,- ասաց նա։
Նշենք, որ նախօրեին ԱԺ-ում լրագրողների հետ զրույցում Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանն ասել էր․ «Հրանտ Բագրատյանը շատ վտանգավոր հարցազրույցներ է տալիս՝ վտանգելով մեր երկրի անվտանգությունը։ Ամեն մի խոսքը վաղն օգտագործվելու է մեր երկրի դեմ։ Հրանտ Բագրատյանի համար մեկ վտանգավոր խոսքը՝ «Պաշտպանության բանակ գոյություն չի ունեցել»։
