Չինաստանը հաջողությամբ Երկրի ուղեծիր է արձակել «Շիյան-19» փորձնական արբանյակը, որը կօգտագործվի արբանյակային կապի տեխնոլոգիաների փորձերի համար։ Այս մասին տեղեկացվել է Չինաստանի աերոտիեզերական գիտության եւ տեխնիկայի կորպորացիայի (CASC) կայքում։
Հրապարակման մեջ նշվել է, որ արձակումը տեղի է ունեցել մայիսի 13-ին, ժամը 02:09-ին, Long March 3C հրթիռի միջոցով, Սիչան տիեզերակայանից, որը գտնվում է Չինաստանի հարավարեւմտյան Սիչուան նահանգում:
CASC-ն ընդգծել է, որ արբանյակը կօգտագործվի բազմաշերտ արբանյակային գերարագ կապի տեխնոլոգիաների փորձարկման համար։
Մինչ այդ տեղեկացվել էր, որ Galactic Energy չինական ընկերությունը 2028թ. կներկայացնի աշխարհում առաջին էլեկտրամագնիսական համակարգը տիեզերք հրթիռների արձակման համար։
Նշվել է, որ սարքը գործելու է գերփոխանցող մագնիսների գործադրմամբ, որոնք թույլ կտան կրիչ սարքին բացել գերձայնային արագություն դեռ շարժիչի գործադրումից առաջ։ Համակարգը, ինչպես հայտնի է, աղմկոտ չի լինելու, ինչպես նաեւ թույլ է տալու հրթիռային վառելիք խնայել։
