Բրունեյ Դարուսսալամի կառավարությունը կրթաթոշակներ է առաջարկում միջազգային ուսանողներին՝ 2026-2027 ուստարում տեղի բուհերում սովորելու համար։ Այս մասին տեղեկացնում են ԿԳՄՍՆ-ից:
Դիմորդները պետք է դասընթացի/ծրագրի մեկնարկի տարվա հուլիսի 1-ի դրությամբ չգերազանցեն հետևյալ տարիքային շեմերը՝
- 25 տարեկանը՝ բակալավրիատի կրթական ծրագրերի համար,
- 35 տարեկանը՝ մագիստրոսական (Postgraduate Master’s Degree) ծրագրերի համար:
Դիմորդները պետք է ունենան անգլերեն լեզվի բավարար իմացություն՝ հաստատված հետևյալ գնահատումներից մեկով՝
- GCE O Level քննության Credit 6
- IGCSE անգլերեն (որպես երկրորդ լեզու) քննության «C» գնահատական
- TOEFL՝ նվազագույնը 550 միավոր
- IELTS՝ նվազագույնը 6.0 միավոր
Կրթաթոշակի համար կարելի է դիմել մինչև 2026 թ. փետրվարի 15-ը հետևյալ հղումով՝ http://www.mfa.gov.bn/pages/online-bdgs.aspx։
Դիմորդները մրցույթի արդյունքների մասին կտեղեկանան 2026 թ․ հունիսին։
Հավելյալ տեղեկատվության համար կարող եք դիմել ԿԳՄՍՆ միջազգային համագործակցության և սփյուռքի հետ կապերի բաժին, հեռ.՝ (+374)10-599 699 (646):
