ԵՄ արտաքին գործերի գերագույն ներկայացուցիչ Ժոզեպ Բորելը կոչ է արել ուժեղացնել ԵՄ անվտանգությունը, որպեսզի այն ավելի քիչ կախված լինի ԱՄՆ-ից։ Այս մասին նա գրել է հոդվածում, որտեղ ամփոփում է իր գործունեությունը որպես ԵՄ դիվանագիտության ղեկավար։
«Մենք այլընտրանք չունենք. հրամայական է, որ մենք կարողանանք ապահովել մեր անվտանգությունը: Մեր բարեկեցությունն ու ապագան չեն կարող շարունակել կախված լինել միջինարևմուտքում գտնվող ամերիկացի ընտրողների տրամադրությունից չորս տարին մեկ»,- ասել է դիվանագետը:
Նրա խոսքով, «այժմ դա անելն առավել անհրաժեշտ է, քանի որ Միացյալ Նահանգների պարտավորությունները ոչ միայն Ուկրաինայի, այլև ամբողջ Եվրոպայի անվտանգության նկատմամբ ապագայում դարձել են ավելի անորոշ՝ Դոնալդ Թրամփի վերընտրմամբ»։
Սա, կարծում է Բորելը, մասնավորապես նշանակում է ԵՄ պաշտպանական արդյունաբերության աշխուժացման անհրաժեշտություն, «որը զգալիորեն թուլացել է 1989 թվականին Բեռլինի պատի փլուզումից հետո 30 տարվա «հանգիստ զինաթափման» հետևանքով։
Նա նաև մատնանշել է, որ ԵՄ պաշտպանական արդյունաբերությունը մինչ այժմ չի կարողացել պահպանել ԵՄ-ի վերազինման ջանքերը քանակապես կամ որակապես:
«2022 թվականից ի վեր լրացուցիչ ռազմական տեխնիկայի գրեթե 80%-ը ձեռք է բերվել ԵՄ-ից դուրս»,-ասել է Բորելը։
