Այս տարվա հունիս-օգոստոս ամիսներին ՌԴ է արտահանվել 73 հազար 501 տոննա միրգ և բանջարեղեն, որից վերադարձվել է 998 տոննան կամ 1,36 %-ը։ Այդ մասին Ֆեյսբուքի իր էջում գրել է ՀՀ էկոնոմիկայի նախարար Գևորգ Պապոյանը:
«Շատ կարևոր փաստ. վերադարձված բեռներից 684 տոննան եղել է հունիս և հուլիս ամիսներին, իսկ 314-ը՝ օգոստոսին, այսինքն՝ այս մասով էլ օգոստոսին որևէ տարօրինակ աճ չկա, և պահպանվել է նախորդ ամիսների համաչափությունը։
Իմիջիայլոց, վերադարձված բեռների մեծ մասը խնդիր են ունեցել փաստաթղթերի հետ»,- գրել է նա։
