Ազգային ժողովը երեկվանից արձակուրդում է: Խորհրդարանաի՝ վերջին մի քանի ամսվա աշխատանքերը գնահատելու համար Politik.am-ը մեկնաբանություն խնդրեց Գերագույն խորհրդի նախկին պատգամավոր Ազատ Արշակյանից` դիտարկելով այն կարծիքները, որ այժմյան խորհրդրանականերից շատերը համապատասխան փորձ չունեն: Արշակյանը մեզ հետ զրւյցում նշեց, որ գնատական պետք է տրվի համեմատության մեջ: Այս Ազգային ժողովը կարող է համենմատվել միայն Գերագույն սովետ հետո Ազգային ժողով գումարման հետ:
«Եթե հիշում եք, 1990 թվականին ընդունվեց Գերագույն սովետը, որը 40 օր անց վերանվանվեց Գերագույն խորհուրդ: Այդ Ազգային ժողովը, որի նախագահը Բաբկեն Ավետիսյանն էր, ընդունեց մի քանի կարևոր փաստաթղթեր, օրինակ՝ Հայաստանը հռչակեց անկախ, իրավական, ժողովրդավարական պետություն, ընդունեց օրենքներ՝ սահմանադրություն ընդունելու, նախագահի, ԱԺ-ի, բանակի, ազգային ծառայության մասին, և բոլոր պատգամավորները, առանց բացառության, անփորձ էին:
Սա պերեստրոյկայից ծնված Գերագույն խորհուրդ էր, որի ընդունած շուրջ 1300-ից ավել օրենքերը աշխատում են մինչև այսօր: Նշանակում է՝ ոչ պրոֆեսիոնալների Ազգային ժողովը հրաշալի օրենքներ է ընդունել, հետևաբար պրոֆեսիոնոլիզմն այստեղ էական չէ»,- ասաց նա:
Ազատյանը հատուկ շեշտեց, որ պետք է «դուխ» ունենալ և ծրագիր, պետության զարգացման հայեցակարգ և անպայման՝ մեծ եռանդ:
Ըստ նրա՝ այս Ազգային ժողովը Գերագույն խորհրդի համեմատ բավական թույլ է, որովհետև ԳԽ-ն կես տարվա մեջ բազմաթիվ պետականաշինական օրենքներ էր ընդունել, բայց մյուս գումարման խորհրդարանների համեմատ, բացի ԳԽ-ից, լավն է: Լավն է, քանի որ քաղաքական է: Գերագույն խորհուրդ պառլամենտից հետո եղել են ապաքաղաքական Ազգային ժողովներ, այս մեկը քաղաքական է, բայց թույլ է:
«Մի փոքր ավելին էի սպասում վերջին գումարման Ազգային ժողովից: Կարծում եմ՝ սրա դեպքում ծուլություն կա, և հեղափոխականները պետք է հարգեն նրանց, ովքեր այդ գործը ավելի լավ են արել»,- ասաց նա:
