Այսօր՝ մայիսի 28-ին, խոշոր ավտովթար է տեղի ունեցել Արմավիրի մարզում։ Ժամը 03։00-ի սահմաններում Երևան-Արմավիր ավտոճանապարհի 24 կմ հատվածում բախվել են Կոտայքի մարզի բնակիչ 41-ամյա Հայկ Գասպարյանի վարած «Mercedes» մակնիշի, Արմավիրի մարզի բնակիչներ 39-ամյա Սամվել Գասպարյանի վարած «Mitsubishi» մակնիշի և 23-ամյա Դավիթ Հարությունյանի վարած «Opel» մակնիշի ավտոմեքենաները, հաղորդում է Shamshyan.com-ը:
Վթարի հետևանքով 2 հոգի մարմնական վնասվածքներով տեղափոխվել են «Վաղարշապատ» բժշկական կենտրոն։
Բախման հետևանքով «Mitsubishi»-ն դուրս է եկել երթևեկելի գոտուց, բախվել բետոնե հենապատին ու հայտնվել դաշտում։
Վթարի փաստով քննչական բաժնում նախաձեռնվել է քրեական վարույթ։
Քննիչի հանձնարարականով ավտոմեքենան տեղափոխվել են ոստիկանության Վաղարշապատի բաժնի պահպանվող հատուկ տարածք։
Վարորդները ենթարկվել են սթափության փորձաքննության, «Opel»-ի վարորդը եղել է ոչ սթափ, և ըստ նախնական տեղեկությունների՝ նա զրկված է եղել ավտոմեքենա վարելու իրավունքից։
Ոստիկանությունն ու քննչական բաժինը պարզում են վիրավորների ինքնությունը։
