Կառավարությունը ԱՕԿՍ-ի շենքը վարձակալությամբ տրամադրելու մասին որոշում կայացրեց՝10 տարի ժամկետով։ Կառավարության նիստին համապատասխան նախագիծը ներկայացրեց Տարածքային կառավարման և ենթակառուցվածքների նախարար Գնել Սանոսյանը։
«Այդ անշարժ գույքը գնահատվել է և կազմում է ամսական 15 միլիոն 450 հազար դրամ։ Առաջարկում ենք հաստատել և այս պայմաններով մրցույթ անցկացնել»,- ասաց Սանոսյանը։
Հայաստանի պատմության և մշակույթի անշարժ հուշարձանների պետական ցանկում ընդգրկված Աբովյան 3 հասցեի՝ ԱՕԿՍ-ի շենքն ամրակցվել էր ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեին։
