Անկարայում անվտանգության ուժերի հատուկ գործողության ընթացքում ահաբեկիչ է լիկվիդացվել, ևս մեկ մարդ վիրավորվել և ձերբակալվել է։ Այս մասին հունիսի 24-ին հայտնել է Son Dakika պորտալը։
Հստակեցվում է, որ միջոցառումներն իրականացվել են հուլիսի 7-8-ը քաղաքում կայանալիք ՆԱՏՕ-ի գագաթնաժողովի նախաշեմին։ Անվտանգության ուժերի աշխատակիցները գրոհել են Հայմանա շրջանի բնակելի տներից մեկը, որտեղ, հետախուզության տվյալներով, թաքնվել են նաև ԻԼԻՊ-ի անդամները։
«Գործողությունը սկսվել է երեկ առավոտյան՝ հետախուզական տվյալների հավաքագրումից և հսկողություն իրականացնելուց հետո։ Ոստիկանության հատուկ նշանակության ջոկատը նպատակային գործողություն է իրականացրել Սազագասը թաղամասի այն հասցեում, որտեղ, ինչպես պարզվել էր, թաքնվում էին ԻԼԻՊ-ի անդամները»,- ասվում է նյութում։
Ինչպես հստակեցնում է պարբերականը, կասկածյալներին ձերբակալելու փորձի ժամանակ նրանք անտեսել են հանձնվելու կոչը և կրակ են բացել ոստիկանների ուղղությամբ։ Սկսված փոխհրաձգության հետևանքով գրոհայիններից մեկը տեղում սպանվել է։ Նրա կինը, ով նույնպես հանդիսանում է ահաբեկչական կազմակերպության անդամ, վիրավորվել է։
Վիրավոր կնոջը առաջին բուժօգնություն ցուցաբերելուց հետո ուժեղացված հսկողության ներքո տեղափոխել են հիվանդանոց։ Ներկայումս նա գտնվում է կալանքի տակ։ Ուժայինները դեպքի վայրում շարունակում են ժքննչական գործողությունները՝ լիկվիդացված բջջի հնարավոր կապերը բացահայտելու համար։
