ԱՄՆ-ը հայտարարում է Ուկրաինայի համար 725 միլիոն դոլարի անվտանգային օգնության փաթեթի մասին, որը ներառում է զգալի քանակությամբ հրետանի, հրթիռներ և ՀՕՊ միջոցներ: Այդ մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը:
Նրա խոսքով՝ նախագահ Ջո Բայդենը Պենտագոնին հանձնարարել է միջոցները արագ հասցնել Ուկրաինա՝ Կիևի ինքնապաշտպանության համար անհրաժեշտ ամեն ինչով ապահովելու համար:
«Այս պահից մինչև հունվարի կեսերը մենք կմատակարարենք հարյուր հազարավոր լրացուցիչ հրետանային արկեր, հազարավոր լրացուցիչ հրթիռներ և այլ կարևոր կարողություններ, որոնք կօգնեն Ուկրաինային պաշտպանել իր ազատությունն ու անկախությունը։ Բացի օգնության այս ավելացումից՝ նախագահն արտոնել է մի շարք լրացուցիչ քայլեր՝ այս պատերազմում Ուկրաինայի դիրքերն ամրապնդելու համար»,- ասել է Սալիվանը:
