Վլադիմիր Զելենսկին Monde թերթին և ֆրանսիական այլ լրատվամիջոցներին տված հարցազրույցում ասել է, որ ԱՄՆ նախագահական ընտրությունները և դրանց հնարավոր արդյունքները մարտահրավեր և ռիսկեր են ներկայացնում Ուկրաինայի համար։
ԱՄՆ նախագահական ընտրությունները տեղի կունենան նոյեմբերի 5-ին։ Գործող նախագահ Ջո Բայդենն ավելի վաղ որոշել էր չվերընտրվել՝ կապված իր առողջությամբ պայմանավորված մտահոգությունների և աճող քննադատության հետ, և հավանություն էր տվել փոխնախագահ Քամալա Հարիսի թեկնածությանը:
Նախկին նախագահ Դոնալդ Թրամփը Հանրապետական կուսակցության կողմից պաշտոնապես առաջադրվել է պետության ղեկավարի պաշտոնում։
«Միացյալ Նահանգների ներկայիս իրավիճակը մարտահրավեր է: Կան ռիսկեր, որոնք հնարավոր չէ կանխատեսել։ Եթե Դոնալդ Թրամփը հաղթի, մենք չգիտենք, թե ինչպիսին կլինի մեր երկխոսությունը: Նախկինում այն բավականին խելամիտ էր, բայց չգիտեմ, թե ինչ կլինի ընտրություններից հետո»,- ասել է Զելենսկին։
