ԱՄՆ Կոնգրեսի Ներկայացուցիչների պալատի նախկին խոսնակ Նենսի Փելոսին մասնավոր զրույցի ժամանակ ԱՄՆ նախագահ Ջո Բայդենին ասել է, որ ըստ հարցումների, նա չի կարողանա հաղթել Դոնալդ Թրամփին՝ երկրի նախագահական ընտրություններում. գրում է CNN-ը՝ հղում տալով իր աղբյուրներին։ Ի պատասխան Փելոսիի՝ Բայդենն ասել է, որ կան հարցումներ, ըստ որոնց, նա հնարավորություն ունի հաղթելու։ Հայտնի չէ, արդյոք Փելոսին հեռախոսազրույցում Բայդենին խնդրել է դուրս գալ ընտրապայքարից, թե՝ ոչ։ Սպիտակ տան խոսնակ Էնդրյու Բելթսն էլ ասել է.
«Նախագահ Բայդենը կուսակցության թեկնածուն է։ Նա պատրաստվում է հաղթել և անհամբերությամբ է սպասում Կոնգրեսի դեմոկրատների հետ աշխատելուն»։
