Իշխող «Վրացական երազանք» կուսակցությունը հայտարարել է, որ իրենք չեղյալ չեն համարելու «Օտարերկրյա ազդեցության թափանցիկության մասին» օրենքը, որը դարձել է արևմտյան գործընկերների հետ երկրի հարաբերությունների վատթարացման և դեպի ԵՄ մուտքը երկրի սառեցման պատճառներից մեկը, այս մասին ասել է «Վրացական երազանքի» գործադիր քարտուղար Մամուկա Մդինարաձեն, մեջբերել է Վրաստանի Առաջին ալիքը։
Ճեպազրույցի ժամանակ նրան հարցրել են վիճահարույց օրենքը հետ կանչելու հնարավորության մասին, ինչին նա պատասխանել է. «Ոչ։ Դուք ուրախ չեք լինի, բայց մենք դա հետ չենք կանչի»:
Ըստ Մդինարաձեի, եթե այս օրենքը չլիներ Վրաստանում, «այժմ տասնյակ հազարավոր մարդիկ կկանգնեին Ռուսթավելի պողոտայում»։
«Ե՛վ այս օրենքը, և՛ քարոզչության արգելքը («ԼԳԲՏ քարոզչությունն արգելող օրենքը») օրինականացվել են վրաց ժողովրդի մեծամասնության կողմից»,- հավելել է Վրաստանում իշխանության մեջ գտնվող կուսակցության ներկայացուցիչը։
ԵՄ-ն բազմիցս հայտարարել է, որ օտարերկրյա գործակալների մասին Ռուսաստանի օրենքի նմանօրինակի ընդունումը կասեցրեց Վրաստանի եվրաինտեգրումը։
ԵՄ-ն նաև քննադատել է ԼԳԲՏ անձանց իրավունքները սահմանափակող օրենսդրական փաթեթը՝ նշելով, որ այն ավելի է հեռացնում Վրաստանը ԵՄ ճանապարհից։
