Վաշինգտոնում 11 մարդ վնասվածքներ է ստացել շարժակազմի բախման հետևանքով. հայտնում է NBC News-ը:
Քաղաքի իշխանությունների տվյալներով՝ տուժածների, նրանց թվում՝ մետրոպոլիտենի աշխատակիցների շրջանում կյանքի համար վտանգավոր կամ ծանր վնասվածքներ ստացած անձինք չկան:
Միջադեպը տեղի է ունեցել ապրիլի 22-ին՝ տեղական ժամանակով կեսգիշերից հետո (Երևանի ժամանակով՝ առավոտյան 08:00-ին): Քաղաքի կենտրոնի կայարաններից մեկում կառամատույցի մոտ կանգնած ուղևորատար գնացքին բախվել է հատուկ գծային տեխնիկան: Գնացքում եղել է 27 մարդ:
Պատահարի պատճառները պարզվում են:
Սա նմանատիպ առաջին արտակարգ դեպքը չէ Վաշինգտոնի մետրոյում. 2009 թվականին երկու գնացքների բախումը հանգեցրել էր ինը մարդու մահվան:
